ကမ္ဘာသစ်ကို ဆိုက်ရောက်တယ်ဆိုတာက
· ရုပ်ရှင်တွေထဲကလို မြင်ကွင်းတွေပြောင်း၊ အရောင်တွေပြောင်းသွားတာမျိုးမဟုတ်ဘဲ
လူတွေရဲ့စိတ်မှာ မေတ္တာတရား၊ ချစ်ခြင်းတရား၊ ခွင့်လွှတ်ခြင်း၊
စာနာနားလည်ခြင်း၊ ရိုင်းပင်းကူညီခြင်း၊ အသိဉာဏ်ပညာ မြင့်မားခြင်းတို့ဟာ
Collective Energy စုပေါင်းစွမ်းအားတစ်ခုသဖွယ် ကိန်းဝပ်လာကြတာမျိုးဖြစ်ပါတယ်။
ရင်ထဲမှာ ကောင်းမွန်တဲ့သတ္တိတွေ ကိန်းအောင်းလာမယ်။
အချင်းချင်းချိတ်ဆက်မိကြမယ်။ ပိုပြီးအေးချမ်းလာကြမယ်။ စိတ်လုံခြုံမှုရှိလာကြမယ်။
စိတ်လွတ်မြောက်မှုရှိလာကြမယ်။ ကောင်းတာတွေကိုပိုပြီးလုပ်ဖြစ်လာကြမယ်။
လူသားတွေရဲ့အသိဉာဏ် ပြောင်းလဲသွားခြင်းဖြစ်စဉ်တစ်ခုလို့ မှတ်ယူရမှာဖြစ်ပါတယ်။
ဒီစာအုပ်မှာ အကောင်းမြင်စိတ်အခြေပြုထားတဲ့“ကမ္ဘာသစ်” ကို
စတင်ဖော်ဆောင်နိုင်ဖို့ လမ်းညွှန်ပေးထားပါတယ်။ စိတ်ကူးယဉ်နဲ့ မဟုတ်ပါဘူး။
နေ့စဉ်ကြုံရတဲ့ အခြေအနေ၊ အဖြစ်အပျက်တွေထဲမှာ ကိုယ်တိုင်ရှာဖွေရမှာပါ။
ကမ္ဘာသစ်ကိုသွားဖို့က စိတ်ဆိုတဲ့တံခါးလေးတစ်ချပ်ကို တွန်းဖွင့်လိုက်သလိုပါပဲ။
ကမ္ဘာသစ်မှကြိုဆိုပါတယ်ဆိုတဲ့စာအုပ်ကို လက်ကလှမ်းကိုင်လိုက်မိတာနဲ့
သင်ဟာ ကိုယ့်ရဲ့ကမ္ဘာသစ်ကို ဖန်တီးတည်ဆောက်ဖို့အတွက် ခရီးတစ်ခုကိုစတင်လိုက်ပါပြီ။
MON HALSEY
